Aizkorri Besaindik urruti geratzen den arren, Aizkorriko Biraren hasiera eta amaiera izango duen 16,8 kilometrotako ibilbideaK osatzen du Aizkorrira Begira gazteen birak. (Beasain-Olaberria-Idiazabal-Urbizu-Beasain)
8-16 urte bitarteko gaztetxoen parte hartzearekin Aizkorritik bueltan datozen helduekin batera, azken 5 kilometroak eginez, iristen dira Beasaingo azken kontrolera.
Mendizaletasuna eta bereziki mendizale gaztetxoen zaletasunak elkarte honetan izan duen garrantzia dela eta, 2014an sortzen da gaztetxoentzat Aizkorriko Biraren.
Beasaingo Aizkorriko Mendizale elkartetik aterako gara Lazkaorantz. Errepide Nazionalaren azpitik lehen bidegurutzean eskuinera hartuko dugu Batxilergoko Instituturantz. Institutua pasa ondoren, eskuinerantz doan pista bat hartuko dugu.
Goranzko bidean baserri baten albotik pasako gara. Aldapa bukatzen denean beste pista bat ikusiko dugu eta zuzen jarraituko dugu hesi batzuei jarraituz.
Bideak eskuinerantz egiten du. Ondoren, ezkerretara hartu beharko dugu “Gaitin” baserritik pasatzeko eta asfaltozko bide estu batetik jarraituko dugu. Olaberrira iritsiko gara.
Beherantz egingo dugu. Lazkaotik datorren errepidea gurutzatuko dugu eta asfaltozko bide batetik zuzen jarraituko dugu. Hortik “Ojarbi” baserrira edo dorretxera helduko gara.
Errepidea gurutzatu eta futbol zelaiaren atzetik doan bidetik, Segurako bidegorria hartuko dugu Arimasagasti baserrien bidegurutzera iritsi arte. Bertan errepidea gurutzatu eta Arimasagasti zeharkatuz Urbizurako igoera hasiko dugu.
Urbizun Aizkorriko Birarekin elkartuko gara eta azken 5 kilometroak Aizkorriko Birako berdinak izango dira.
Ibilbidea jarraituz Muxika baserritik Gudugarreta auzora iritsiko gara, Anzizar auzotik herrira sartu eta hirigunea gurutzatuz Beasaingo Bideluze plazan amaituko dugu bira, Aizkorri Mendizale Elkartean.
RECURSOS Y CONTENIDO DE LA PRUEBA
Distancia: 16,8 km.
Desnivel: - 456 m.
Ruta en formato PDF/JPG
Dibujo original de Tomás Salazar
Visualización de la ruta en 3D.
Ruta en formato digital
Aizkorri Mendizale Elkartea
20200 Beasain (Gipuzkoa)
info@tomasaizkorrikobira.com
Tel. 943 162 278
