Ibilbidea
Aizkorri Beasaindik urrun egon arren, Aizkorri Begira Ibilbidearen hasiera eta amaiera markatzen duen 16,8 kilometroko ibilbidea Aizkorri Begira Ibilbidearen (Beasain-Olaberria-Idiazabal-Urbizu-Beasain) parte da.
8 eta 16 urte bitarteko gazteek parte hartzen dute, Aizkorritik itzultzen diren helduekin batera, eta azken 5 kilometroak egiten dituzte Beasaingo azken kontrolgunera iristeko.
Mendizaletasunaren garrantzia eta, batez ere, elkarte honetako mendizale gazteen grina direla eta, 2014an sortu zen gazteentzako Aizkorri Ibilbidea.
Beasaingo Aizkorri Mendizale elkartetik abiatzen gara, Lazkaorantz. Errepide Nazionalaren azpiko lehen bidegurutzean, eskuinera biratzen dugu institutura. Eskolatik pasa ondoren, eskuinera igotzen den pista bat hartzen dugu.
Gorantz bidean, etxe multzo txiki baten ondotik pasa gara. Muinoaren goialdean, beste pista bat ikusi genuen eta aurrera jarraitu genuen, hesi batzuei jarraituz.
Araudiak
[ PDF ] Araudiak deskargatu
- 8-16 urte bitarteko gazteek parte har dezakete.
- 8-12 urte bitartekoek heldu baten laguntzaz etortzea ezinbestekoa dute.
- Ingurunearen zaintza bermatu behar da, ingurunea errespetatuz eta zakarrak jasoz.
- Aldez aurretik izena ematea gomendagarria da.
- Irteeraordua, goizeko 8etan izango da, Aizkorri Mendizale Elkartearen egoitzatik. Parte hartzaileak 7:45ak baino lehen irteeran egon beharko dira.
- Parte-hartzaile guztiek txarteletan azalduko diren kontrol-guneetatik pasatu beharko dute. Gune bakoitzean txartela zigilatu egingo da (ordua idaztearekin batera); horrela, proba guztia egin dela ziurtatu ahal izango da.
- Hau mendibilaldia da eta ez lasterketa. Hori dela eta, ibilbidean helduekin batera taldetxoetan ibili behar da korrika egin gabe.
- Arautegiaz kanpo sor daitezken edozein arazoz erabakia hartzeko ardura osoa, antolakuntzak izango du.
- Honako datu hauek eskatuko zaizkie parte hartzeko interesa dutenei:
- Izena eta bi abizenak.
- Adina
- 12 urtez beherakoentzan arduradun helduaren izena eta NAN.
- Udalerria eta ikastetxea.
- Gauden urteko federazioko lizentziaren zenbakia izango balu.
- Partaide den klubaren edo taldearen izena izango balu.
- Antolakuntza araudi hau aldatzeko eskumendun da.
- GAZTEEN BIRA AIZKORRIRA BEGIRAn parte-hartzeko izen emateak, gazteen tutoreak ARAUDIA ontzat jotzen duela esan nahi du.
Mediku Aholkuak
- Erritmoa bakoitzaren gaitasun fisikoetara mugatu. Lehenengo ordu erdia, beroketa gisara hartu, motel samarra izango da. Astean zehar entrenamendua egitea komeni da, gutxienez biegunez, footinga, ibilaldiak, txirrinduaz, gimnasia, eta abar.. ordubeteko iraupenez.
- Bi orduz behin jan eta edan. Ura soilik edo isotoniko nahasketaz, infusioz eta abar...; gorputzak erraz onartzen dituen energiadun elikagai solidoak: fruitu lehorrak, zekale barrak, txokolatea, menbrilloa, gailetak, eta abar...
- Janzkera eguraldiaren arabera egokitu. Jantzi iragazgarriak erabili. Ordezko jantziak eraman, batez ere aldagarriak eta galtzerdiak. Burua txano batez eta lepoa zapi batez estali.
- Motxila arina eta edukiera txikikoa. Bertan izango ditugu ordezko jantziak, xira, edalontzia, elikagaiak, botikintxoa, mapa eta iparrorratza.
- Oinetako egokiak. Erdi mailako mendirako bota da egokiena, txorkatilari egoki eutsiko diona eta kanabera altua duena. Oinari egoki doakiona, oina libre egon ez dadin eta urradurarik ez sortzearren. Material egokiena larru soilekoa edo material sintetikoz nahastutakoa da. Ez irristatzeko zona ona. Artilezko edo zuntz sintetikoz nahasturiko galtzerdiak dira onenak.
- Botak jantzi eta ondo lotu. Oinazpiak botaren zolari atxikia behar du, mingaina ondo luzatua eta korapilo ez iheskorrez lotuta, laxatu ez dadin. Jaitsieretan lokarriak askatu eta berriz lotzea komeni da.
- Oinen garbitasuna. Ibilbidearen aurretik eta ondoren garbitu egin behar dira. Azkazalak moztu, ertzak borobilki utziz; horrela, zauri eta infekzioak ekidin ditzakegu.
- Oina zoruari egokitu. Gehienek, duten oinkera dela eta, plantilla edo gailu ortopedikoak behar dituzte oinera egokitzeko.
- Oinaren azala babestu. Min edo urradurarik azal litekeen lekuetan oihalezko edo silikonazko babesgarriak ipini.
- Oinetako babei kasu egin. Ibilaldian zehar babaren bat sortzen bada, aurrera egin nahi bada, baba zulatuz hustea komeni da, ondoren antiseptikoa eta silikonazko babesgarria ipini ondo itsatsita.
BALIABIDEAK ETA PROBAREN EDUKIA
Ibilbideaz gehiago ezagutzeko eskuragarri dagoen edukia.
Distantzia: 52 km.Desnibela: 2000 m.
Ibilbidea PDF/JPG formatoan
Ibilbidea eta trazaduraren deskarga.Tomas Salazarren jatorrizko marrazkia
Ibilbidea 3D
Esteka honetan ikus dezakezu ibilbidea, 3Dn. Kanpoko zerbitzarietan ostatatutako edukia: YouTube.
Aizkorriko Biraren profila
Esteka honetan ikus ditzakezu profila eta desnibelaren apa.Tomas Salazarren jatorrizko marrazkia
Ibilbidea formatu digitalean
Ibilbidea KMZ/GPX formatuan deskarga dezakezu zure GPS posizionamendu gailuan inportatzeko.
Aizkorri Mendizale Elkartea
20200 Beasain (Gipuzkoa)
info@tomasaizkorrikobira.com
Tel. 943 162 278
